Festivals Malta tħabbar is-16-il kanzunetta finalista għal Mużika Mużika 2025

Il-Ħames Edizzjoni ta’ Mużika Mużika ser issir bejn is-27 u d-29 ta’ Marzu 2025.

Festivals Malta ħabbret is-16-il kanzunetta li ser ikunu qed jipparteċipaw fil-ħames edizzjoni ta’ Mużika Mużika f’Marzu li ġej. Din is-sena ġie mħabbar li b’differenza minn edizzjonijiet preċedenti, ser ikun hemm biss 16-il kanzunetta li ser jikkompetu f’Marzu, bil-kanzunetti kollha jgħaddu direttament għall-finali mingħajr eliminazzjoni fis-serata tal-Ġimgħa filgħaxija.

Ritratt: Darrin Zammit Lupi

Mis-sottomissjonijiet miġbura, 30 kanzunetta ġew magħżula minn ġurija esperta u ġew interpretati live akkumpanjati minn backing track quddiem ġurija separata. Wara deliberazzjoni mill-ġurija, dawn il-kanzunetti ġew ridotti għas-16 finali fil-preżenza tan-Nutar tal-Gvern.

Il-Kap Eżekuttiv ta’ Festivals Malta, Frans Agius sostna li, “Bħal kull sena, kellna rispons pożittiv b’numru sostanzjali ta’ sottomissjonijiet ta’ livell għoli. Ħerqan biex nara l-kanzunetti jieħdu l-ħajja fuq il-palk meraviljuż tagħna f’Marzu li ġej, fejn se niċċelebraw il-5 edizzjoni ta’ dan il-festival tant importanti għal-lingwa tagħna. Ċert li bħal kull sena, se jkollna Mużika Mużika ta’ suċċess. Nawgura lis-16-il finalist filwaqt li nirringrazzja lil kull min applika.”

Il-Bord ta’ Mużika Mużika flimkien mat-tim ta’ Festivals Malta ser jidħol fil-fażi li jmiss tal-produzzjoni fejn jibda x-xogħol fuq l-arranġamenti mużikali filwaqt li jiżdiedu l-preparamenti loġistiċi għall-festival li ser isir bejn is-27 u d-29 a’ Marzu 2025.

Il-kanzunetti finalisti huma dawn (f'ordni alfabetika skont l-isem tal-kanzunetta):

Kanzunetta	Artist	Kompożitur	Awtur
Aħjar	Lisa Gauci	Philip Vella	Emil Calleja Bayliss
Festa	Hannah Theuma	Philippa Naudi u Bettina Muchmore	Philippa Naudi u Bettina Muchmore
Fuq!	MARA	Philip Vella	Joe Julian Farrugia
Ġenna Fl-Art	Cliff Zammit Stevens	Philip Vella	Joe Julian Farrugia
Għadna Ngħoddu	Daniel Cauchi	Daniel Cauchi	Michael Spagnol
Għatxan	Marilyn Aquilina	Marilyn Aquilina	Marilyn Aquilina
Ħsibijiet	Kapitlu Tlettax u Ema	Joseph Mario Calleja, Liston Bongailas, Edward Magri, u Cyprian Cassar	Joseph Mario Calleja, Liston Bongailas, u Emil Calleja Bayliss
Int Kollox Għalija	Kersten Graham	Kersten Graham	Kersten Graham
L-Imħabba Verità	Jasmine Abela	Glen Vella	Philip Vella
Mill-Qalb	Gaia	Cyprian Cassar u Gaia Cauchi	Emil Calleja Bayliss
Perfett	Pamela Bezzina	Pamela Bezzina	Pamela Bezzina
Stajna Konna Aħna	Jamie Cardona	Jamie Cardona, Aleandro Spiteri Monsigneur, u Shaun Farrugia	Jamie Cardona u Aleandro Spiteri Monsigneur
Stennieni Ġej	Janvil ft. Garison	Edward Abela	Ian Vella
Supereroj	Claudia Faniello	Glen Vella	Philip Vella u Claudia Faniello
Tagħna t-Tnejn	Ryan Hili	Cyprian Cassar	Ryan Hili u Sarah Bonnici
Tiegħek Jien	Brooke	Cyprian Cassar u Brooke Borg	Emil Calleja Bayliss

Għal aktar informazzjoni żur www.muzikamuzika.mt