Mużika Mużika organizzat minn Festivals Malta, huwa festival li jiċċelebra l-mużika u l-lingwa Maltija. Dan il-festival joffri pjattaforma lill-artisti lokali biex jesebixxu t-talenti tagħhom permezz ta’ kompożizzjonijiet bil-Malti interpretati ma’ orkestra live.

 

Dan il-festival, li kien magħruf bħala l-Festival Kanzunetta Maltija, reġa’ ingħata l-ħajja fl-2021 bl-ewwel edizzjoni li saret mingħajr udjenza preżenti fis-sala. Din l-edizzjoni kienet intlaqgħet b’rispons pożittiv kemm mill-udjenza televiżiva, kif ukoll mill-parteċipanti li ħadu sehem – bl-ewwel kanzunetta rebbieħa kienet ‘ĦARSA BISS’ interpretata minn Glen Vella, b’lirika ta’ Joe Julian Farrugia u kompożizzjoni ta’ Philip Vella.

 

Fis-snin ta’ wara Mużika Mużika kompla jikseb popolarità mas-segwaċi tiegħu u sar magħruf bħala wieħed mill-aktar pjattaformi prestiġjużi u ta’ livell għoli għall-mużika Maltija.