Lirika

Rajt għasfur bis-senter f’idu,

Żiemel riekeb karozzin,

Fenek li qed jorganizza

Xi fenkata għall-mikulin...

Fejn meħlusa n-natura

Jiftħu l-fjuri kull kulur;

Armonija bejn il-ħlejjaq

Minn ħadd ma ssib għajjur...

Mhux bħal bniedem... u kulma jmiss

Juża moħħu... għalih biss...

L-ewwel jien u t-tieni jiena

Dejjem skond iz-zokk il-fergħa

L-ixkubetta fiha l-grillu

Hekk magħmula mill-għeruq.

Qis mitt darba u aqta’ darba

Jekk ma lħaqtx l-għeneb qraslek

U f’kull niżla qaddis jgħinek

Mitqlu deheb ħabib fis-suq.

Wiċċ il-baħar miksi plastik

Ħut bil-maskra fl-oċejan

Saħnu t-temperaturi

l-arja pura ġiet duħħan

Fejn meħlusa n-natura

Jiftħu l-fjuri kull kulur;

Armonija bejn il-ħlejjaq

Minn ħadd ma ssib għajjur...

Mhux bħal bniedem... u kulma jmiss

Juża moħħu... għalih biss...

L-ewwel jien u t-tieni jiena

Dejjem skond iz-zokk il-fergħa

L-ixkubetta fiha l-grillu

Hekk magħmula mill-għeruq.

Qis mitt darba u aqta’ darba

Jekk ma lħaqtx l-għeneb qraslek

U f’kull niżla qaddis jgħinek

Mitqlu deheb ħabib fis-suq.

Naħsbu ħafna...naħsbu spiss

Li did-dinja...tagħna biss...

L-ewwel jien u t-tieni jiena

Dejjem skond iz-zokk il-fergħa

L-ixkubetta fiha l-grillu

Hekk magħmula mill-għeruq.

Qis mitt darba u aqta’ darba

Jekk ma lħaqtx l-għeneb qraslek

U f’kull niżla qaddis jgħinek

Mitqlu deheb ħabib fis-suq.