Finali - Għadna Ngħoddu

Artist: Daniel Cauchi | Kompożitur: Daniel Cauchi | Awtur: Michael Spagnol

“U l-iljieli għad ngħadduhom

ngħoddu d-daħk minn fuq xufftejna,

f’nofs għajnejna.

Ngħoddu n-nemex qed jixxemmex

minn fuq dahar li smar bis-sajf.”

Dwar il-Kanzunetta:

Bejn sema u baħar, bejn il-logħob moħħ ir-riħ u t-tħassib ta’ ġixt itfal li laħqu kibru, bejn iċ-ċertezza tal-issa u d-dubju tal-imbagħad, jiżvolġi djalogu bejn tnejn daqskemm monologu, bejnna u bejn ruħna. Il-mistoqsijiet bla tweġiba jissarrfu f’taħbit il-qalb. L-att tal-għadd isir ritwal: li ngħożżu kull mument – ġej, għadda, għaddej – għax nafu li xejn mhu għal dejjem.